Таштандыларды кайра иштетүүчү заводдун айлана-чөйрөгө тийгизген таасири комплекстүү мониторингден өтүүдө

Таштандыларды кайра иштетүүчү заводдун айлана-чөйрөгө тийгизген таасири комплекстүү мониторингден өтүүдө

Кыргыз Республикасынын Жаратылыш ресурстары, экология жана техникалык көзөмөл министрлигине караштуу Экологиялык мониторинг департаментинин адистери 2026-жылдын 19-январында Бишкек шаардык санитардык полигонунун аймагындагы таштандыларды кайра иштетүүчү заводдун айлана-чөйрөгө тийгизген таасирин аныктоо максатында өнөр жайлык чыгындылардан үлгү алышты.

Изилдөө алкагында азот кычкылы, күкүрт кошкычкылы, азот кошкычкылы, көмүртек кычкылы жана чаңдын концентрациясы боюнча лабораториялык анализдер жүргүзүлүүдө.

Мындан тышкары, 2026-жылдын 16-январында заводдун айланасында комплекстүү мониторинг жүргүзүлүп, атмосфералык абадан, топурактан жана Ала-Арча суу сактагычынан кошумча үлгүлөр алынды.

Айлана-чөйрөгө мүмкүн болгон терс таасирлерди алдын алуу максатында аталган ишкана боюнча экологиялык көзөмөлдү күчөтүү жана ай сайын туруктуу мониторинг жүргүзүү пландалууда.