ЭКО-ЖАҢЫЛЫКТАР

ЫСЫК-КӨЛ ЖЭЭГИНДЕ АК КУУЛАРГА КАМКОРДУК КӨРҮЛДҮ

Жапайы жаратылышты жана канаттууларды коргоо максатында Ысык-Көлдүн жээгинде Кыргыз Республикасынын Жаратылыш ресурстары, экология жана техникалык көзөмөл министрлигине караштуу Ысык-Көл регионалдык башкармалыгынын Экологиялык жана техникалык көзөмөл кызматынын инспекторлору кыштоого келген ак кууларга жем чачуу иш-чарасын өткөрүштү.

Кыш мезгилинде табигый азык азайгандыктан, канаттуулардын коопсуз азыктануусун камсыз кылуу негизги максат болду. Бул иш-чара ак куулардын санын сактоого жана жапайы жаратылыштын экологиялык тең салмактуулугун коргоого багытталган.

Министрлик жаратылышты жана канаттууларды коргоо боюнча иштерди улантат.